ಸರ್ಚ್ ಕಾಫಿ | Search Coffee ಡಿಜಿಟಲ್ ಮ್ಯಾಗಜಿನ್

ಕಾಫಿ ಕೃಷಿಯಲ್ಲಿ ದೈನಂದಿನ ಜೀವನ: ನಡಿಕೇರಿಯಂಡ ಬೋಸ್ ಮಂದಣ್ಣ ಅವರೊಂದಿಗೆ ಸಂದರ್ಶನ

ಸರ್ಚ್ ಕೂರ್ಗ್ ಮೀಡಿಯಾ ಪ್ರೆಸೆಂಟ್ಸ್

ನಡಿಕೇರಿಯಂಡ ಬೋಸ್ ಮಂದಣ್ಣ - ಕೊಡಗಿನ ಪ್ರಗತಿಪರ ಕಾಫಿ ಬೆಳೆಗಾರರು

ಕಾಫಿ ಸಮುದಾಯದ ಕಥೆಗಳನ್ನು ಆಲಿಸಿ, ಕಾಫಿ ರೈತರಿಗೆ ಒದಗುವ ಅಪಾಯಗಳು ಮತ್ತು ಸವಾಲುಗಳ ಬಗ್ಗೆ ಒಂದು ಅವಲೋಕನವನ್ನು ಪಡೆಯಿರಿ. ಕೊಡಗಿನ ಪ್ರಗತಿಪರ ಕಾಫಿ ಬೆಳೆಗಾರರಾದ ಬೋಸ್ ಮಂದಣ್ಣ ಅವರ ಕಾಫಿ ಉದ್ಯಮದೊಂದಿಗಿನ ಒಡನಾಟದ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಪರಿಚಯ ಮತ್ತು ಆರಂಭಿಕ ಜೀವನ

ಹುಟ್ಟಿದ್ದು: 5 ಫೆಬ್ರವರಿ 1948

ತಂದೆ: ನಡಿಕೇರಿಯಂಡ ಕಾಳಪ್ಪ ಮಂದಣ್ಣ (ಅಂದಿನ ಕೊಡಗು ರಾಜ್ಯದ ಅಭಿವೃದ್ಧಿ ಆಯುಕ್ತರು)

ತಾಯಿ: ಬೊಳ್ಳಮ್ಮ (ಬಾಲ್ಯದಲ್ಲಿಯೇ ನಿಧನರಾದರು)

ಕುಟುಂಬ: ನಾಲ್ವರು ಅಕ್ಕಂದಿರು (ಇವರು ಕಡೆಯವರು)

ಶಿಕ್ಷಣದ ಹಾದಿ:

1952-56: ಮಡಿಕೇರಿಯ ಬ್ಯಾಸಲ್ ಮಿಷನ್ ಶಾಲೆ (4ನೇ ತರಗತಿವರೆಗೆ).
1956-57: ಸೇಂಟ್ ಜೋಸೆಫ್ ಕಾನ್ವೆಂಟ್ (5ನೇ ತರಗತಿ).
ಬೆಂಗಳೂರಿನ ರಾಷ್ಟ್ರೀಯ ಮಿಲಿಟರಿ ಶಾಲೆಯಲ್ಲಿ 2ನೇ ಪಿ.ಯು.ಸಿ ವರೆಗೆ.
ಮದ್ರಾಸಿನ ಕ್ರಿಶ್ಚಿಯನ್ ಕಾಲೇಜಿನಲ್ಲಿ ಬಿ.ಎ. ಅರ್ಥಶಾಸ್ತ್ರ ಪದವಿ.

Search Kodagu WhatsApp Community

Search Kodagu Updates

Official

ಸರ್ಚ್ ಕೊಡಗು ಸುದ್ದಿ ಅಪ್‌ಡೇಟ್ಸ್

ಕೊಡಗಿನ ಕ್ಷಣ ಕ್ಷಣದ ಮಾಹಿತಿಗಾಗಿ ನಮ್ಮೊಂದಿಗೆ ಇರಿ

ಕಮ್ಯುನಿಟಿ ಸೇರಿಕೊಳ್ಳಿ

ಚಾನಲ್‌ ಫಾಲೋ ಮಾಡಿ

ತಂದೆಯವರ ಕಣ್ಣಿನ ಗ್ಲಾಕೋಮಾ ಸಮಸ್ಯೆಯಿಂದಾಗಿ ವಿದ್ಯಾಭ್ಯಾಸ ಮೊಟಕುಗೊಳಿಸಿ 1967ರಲ್ಲಿ ಮರಳಿ ಕೊಡಗಿಗೆ ಬಂದು ತೋಟದ ಜವಾಬ್ದಾರಿ ವಹಿಸಿಕೊಂಡರು.

ತೋಟದ ದಿನಚರಿ ಮತ್ತು ಕಾರ್ಮಿಕರ ಕ್ಷೇಮ

7:15 AM
ಹಾಜರಾತಿ / ಕೆಲಸ ಹಂಚಿಕೆ

9:30 AM
ಟೀ ಬ್ರೇಕ್

12:00 PM
ಊಟದ ವಿರಾಮ

4:00 PM
ಕೆಲಸ ಮುಕ್ತಾಯ

ಕಾರ್ಮಿಕರಿಗೆ ಸೌಲಭ್ಯಗಳು: ವಸತಿ ಗೃಹ, ಬೋನಸ್, ಪಿಎಫ್, ಆರೋಗ್ಯ ವೆಚ್ಚ, ನೀರು, ಇಂಧನ ಮತ್ತು ಮಕ್ಕಳ ವಿದ್ಯಾಭ್ಯಾಸಕ್ಕೆ ಸಂಪೂರ್ಣ ಸಹಕಾರ. ಇದರ ಪರಿಣಾಮವಾಗಿ ಇಂದು ಎಲ್ಲಾ ಕಾರ್ಮಿಕರ ಮಕ್ಕಳೂ ಉನ್ನತ ಹುದ್ದೆಗಳಲ್ಲಿದ್ದಾರೆ.

ಕಾಫಿ ತಳಿಗಳು ಮತ್ತು ಸಾಗುವಳಿ

ಅರೇಬಿಕಾ (30 ಎಕರೆ - 36,000 ಗಿಡಗಳು)

ತಳಿಗಳು: S795, SLN 6, SLN 9, ಚಂದ್ರಗಿರಿ, ಡಾವರ್ಪ್ ಅರೇಬಿಕಾ. ಅಂತರ: 6x6.

ರೋಬಸ್ಟಾ (20 ಎಕರೆ - 9,600 ಗಿಡಗಳು)

ತಳಿಗಳು: S274 (60 ವರ್ಷ), CXR, ಪೆರಿಡೇನೀಯಾ (80-100 ವರ್ಷ), ಡಾವರ್ಪ್ ರೋಬಸ್ಟಾ. ಅಂತರ: 10x10.

ಎತ್ತರ ಮತ್ತು ಆಯ್ಕೆ: 2500 ಅಡಿ ಕೆಳಗೆ ರೋಬಸ್ಟಾ, 3000 ಅಡಿ ಮೇಲೆ ಅರೇಬಿಕಾ ಬೆಳೆಯುವುದು ಸೂಕ್ತ.

ಮಳೆನೀರು ಕೊಯ್ಲು ಮತ್ತು ಸಾವಯವ ಕೃಷಿ

ಜಲ ಸಂರಕ್ಷಣೆ: ತೋಟದ ಎಲ್ಲಾ ಕಟ್ಟದಗಳ ನೀರನ್ನು 2 ದೊಡ್ಡ ಕೆರೆಗಳಿಗೆ (100x100x20 ಅಡಿ ಮತ್ತು 50x50x12 ಅಡಿ) ಸಂಗ್ರಹಿಸಲಾಗುತ್ತದೆ. ಇದರಿಂದ ಅಂತರ್ಜಲ ಮಟ್ಟ ಗಣನೀಯವಾಗಿ ಏರಿಕೆಯಾಗಿದೆ.

ಮಲ್ನಾಡ್ ಮೆಥಡ್ ಆಫ್ ಕಾಂಪೋಸ್ಟಿಂಗ್: ಕಾಫಿ ಪಲ್ಪ್, ಕೊಟ್ಟಿಗೆ ಗೊಬ್ಬರ, ಎಲೆಗಳು, ಕಾಡು ಮಣ್ಣು ಮತ್ತು ಬೆಲ್ಲದ ಜೋನಿ ಬಳಸಿ ಸ್ವಂತ ಗೊಬ್ಬರ ತಯಾರಿಕೆ. ಭಾರತದ ಕಾಫಿ 100% ನೆರಳಿನಲ್ಲಿ ಬೆಳೆದ (Shade-grown) ಕಾಫಿಯಾಗಿದೆ.

ಜಾಗತಿಕ ಮನ್ನಣೆ ಮತ್ತು ಜಿಐ ಟ್ಯಾಗ್

ಕೂರ್ಗ್ ಅರೇಬಿಕಾ: ವಿಶಿಷ್ಟ ಸುವಾಸನೆ ಮತ್ತು ಪರಿಮಳ.

ವಯನಾಡ್ ರೋಬಸ್ಟಾ: ಕೇರಳದ ಕಾಫಿ ಆರ್ಥಿಕತೆಯ ಬೆನ್ನೆಲುಬು.

ಬಾಬಾಬುಡನ್‌ಗಿರಿ: ಚಾಕೊಲೇಟ್ ನೋಟ್ಸ್ ಹೊಂದಿರುವ ವಿಶಿಷ್ಟ ಕಾಫಿ.

ಅರಕು ವ್ಯಾಲಿ: ಬೆಲ್ಲದ ಮಾಧುರ್ಯ ಹೊಂದಿದ ಅರೇಬಿಕಾ.

ಸಂಸ್ಕರಣೆ ಮತ್ತು ತಂತ್ರಜ್ಞಾನ

ನೀರಿನ ಉಳಿತಾಯ: ಹಿಂದೆ 60,000 ಲೀಟರ್ ಬೇಕಿದ್ದ ಪಲ್ಪಿಂಗ್ ಕೆಲಸಕ್ಕೆ ಈಗ IISc ತಂತ್ರಜ್ಞಾನದಿಂದ ಕೇವಲ 1,000 ಲೀಟರ್ ನೀರು ಸಾಕು. ಶೇ. 60ರಷ್ಟು ನೀರು ಮರುಬಳಕೆಯಾಗುತ್ತಿದೆ.

ಮಾರುಕಟ್ಟೆ: ಶೇ. 20ರಷ್ಟು ಕಾಫಿಯನ್ನು 'ಕೂರ್ಗ್ ಬಯೋಟಾ' (FPC) ಮೂಲಕ ಮತ್ತು ಶೇ. 80ರಷ್ಟು ಮುಕ್ತ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಲಾಗುತ್ತದೆ. ನಮ್ಮ ತೋಟ UTZ Certification ಹೊಂದಿದೆ.

ಬಹುಬೆಳೆ ಮತ್ತು ಪೂರಕ ಕೃಷಿ

ಕರಿಮೆಣಸು: ಪ್ರತಿ ಬಳ್ಳಿಯಲ್ಲಿ ಸುಮಾರು 2 ಕೆ.ಜಿ ಇಳುವರಿ.
ಹಣ್ಣುಗಳು: ಕೊಡಗು ಕಿತ್ತಳೆ, ಸಪೋಟ, ಲಿಚ್ಚಿ, ಹಲಸಿನ ಸಿದ್ದು ಮತ್ತು ಶಂಕರ ತಳಿಗಳು.
ಗದ್ದೆ ಮತ್ತು ಹೈನುಗಾರಿಕೆ: 6 ಎಕರೆ ಭತ್ತದ ಗದ್ದೆ, 10-12 ಹಸುಗಳು. ಹಾಲನ್ನು ಮಾರಾಟ ಮಾಡಲಾಗುತ್ತಿದೆ.
ಮೀನುಗಾರಿಕೆ: ಕೆರೆಯಲ್ಲಿ ಮೀನು ಸಾಕಾಣಿಕೆ.

ಸಾರ್ವಜನಿಕ ಸೇವೆಗಳು

ಕಾಫಿ ಬೋರ್ಡ್: ಸದಸ್ಯ ಮತ್ತು ಉಪಾಧ್ಯಕ್ಷರಾಗಿ ಸೇವೆ (2001-2010).
CPA ಅಧ್ಯಕ್ಷರು: ಕೂರ್ಗ್‌ ಪ್ಲಾಂಟರ್ಸ್‌ ಅಸೋಸಿಯೇಷನ್ (1988).
ಸಂಧಾನ ಸಮಿತಿ: 25 ವರ್ಷಕ್ಕೂ ಅಧಿಕ ಕಾಲ ಸಂಚಾಲಕರಾಗಿ ಸೇವೆ.
ಕನಿಷ್ಠ ವೇತನ ಮಂಡಳಿ: ಕರ್ನಾಟಕ ರಾಜ್ಯದ ಸಲಹಾ ಮಂಡಳಿ ಸದಸ್ಯ (20 ವರ್ಷ).

[ಬೋಸ್ ಮಂದಣ್ಣ ಅವರು ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಅವರನ್ನು ಭೇಟಿ ಮಾಡಿದ ಕ್ಷಣ]

ಮಾಜಿ ಪ್ರಧಾನ ಮಂತ್ರಿ ಅಟಲ್ ಬಿಹಾರಿ ವಾಜಪೇಯಿ ಅವರೊಂದಿಗೆ ಬೋಸ್ ಮಂದಣ್ಣ - ಕಾಫಿ ಉದ್ಯಮದ ಪರವಾಗಿ ವಾದ ಮಂಡಿಸಿದ ಕ್ಷಣ

ಕುಟುಂಬದ ಪರಿಚಯ

ಪತ್ನಿ ಸ್ವಾತಿ ಮಂದಣ್ಣ, ಮಗಳು ಅದಿತಿ ಮಂದಣ್ಣ (TCS ಬೆಂಗಳೂರು), ಅಳಿಯ ಅಶೋಕ್ ಶಿವರಾಂ (ಸಾಫ್ಟ್‌ವೇರ್ ಇಂಜಿನೀಯರ್), ಮೊಮ್ಮಗ ಅನಂತ್.

ಬೋಸ್ ಮಂದಣ್ಣ ಅವರ ಸಂದೇಶ: "ಕಾಫಿ ನಂಬಿಕೆಯ ಬೆಳೆ. ಭವಿಷ್ಯದಲ್ಲಿ ನಿಖರ ಕೃಷಿ (Precision Agriculture) ಮೂಲಕ ಆದಾಯ ಹೆಚ್ಚಾಗಲಿದೆ. ಸರ್ಚ್ ಕಾಫಿ | Search Coffee ಡಿಜಿಟಲ್ ಮ್ಯಾಗಜಿನ್ ರೈತರಲ್ಲಿ ಜಾಗೃತಿ ಮೂಡಿಸಲಿ."