ಸಂಧಿವಾತ ಮತ್ತು ಕೀಲುರೋಗ ಚಿಕಿತ್ಸಾ ತಜ್ಞರಾದ, ಡಾ. ಮಹಾಬಲೇಶ್ವರ ಮಮದಾಪುರ ಅವರೊಂದಿಗಿನ ಸಂದರ್ಶನ
ಡಾ. ಮಹಾಬಲೇಶ್ವರ ಮಮದಾಪುರ ಅವರ ವಿಶೇಷ ಸಂದರ್ಶನ
ಸರ್ಚ್‌ ಕೂರ್ಗ್‌ ಸುದ್ದಿ ಅಪ್ಡೇಟ್ಸ್
ಕೊಡಗಿನ ಕ್ಷಣ ಕ್ಷಣದ ಮಾಹಿತಿಗಾಗಿ ನಮ್ಮೊಂದಿಗೆ ಇರಿ
1. ನಿಮ್ಮ ಹೆಸರು, ಶೈಕ್ಷಣಿಕ ವಿವರಗಳನ್ನು ಕುರಿತು ತಿಳಿಸುವಿರಾ?
ನನ್ನ ಹೆಸರು ಡಾ. ಮಹಾಬಲೇಶ್ವರ ಮಮದಾಪುರ . ನಾನು M.B.B.S (2012), MD General Medicine (2017), ಹಾಗೂ DM Clinical Immunology and Rheumatology (2022) ಪದವಿಗಳನ್ನು ಪಡೆದಿದ್ದೇನೆ. ಜೊತೆಗೆ EULAR (Musculoskeletal Ultrasound, Pediatric Rheumatology), SCTC-World Scleroderma Foundation ಇತ್ಯಾದಿಗಳಿಂದ ಸೆರ್ಟಿಫಿಕೇಷನ್ ಪಡೆದಿದ್ದೇನೆ.
2. ನೀವು ವೈದ್ಯಕೀಯ ಸೇವೆಯಲ್ಲಿ ತೊಡಗಿಸಿಕೊಳ್ಳಲು ಪ್ರೇರಣೆ?
ಬಾಲ್ಯದ ದಿನಗಳಲ್ಲಿ ವೈದ್ಯರ ಸೇವೆಗಳನ್ನು ಕಂಡು ಪ್ರೇರಣೆಯಾಗಿದ್ದು, ಸಮಾಜದ ಆರೋಗ್ಯಕ್ಕಾಗಿ ಕೆಲಸ ಮಾಡುವ ಇಚ್ಛೆ ನನ್ನನ್ನು ಈ ವೃತ್ತಿಗೆ ತಂದುಕೊಂಡಿತು.
3. ವೈದ್ಯಕೀಯ ಕ್ಷೇತ್ರದಲ್ಲಿ ನೀವು ಎಷ್ಟು ವರ್ಷಗಳಿಂದ ಕಾರ್ಯನಿರ್ವಹಿಸುತ್ತಿದ್ದೀರಿ?
ಮೆಡಿಕಲ್ ಇಂಟರ್ನ್‌ಶಿಪ್‌ನಿಂದ ಆರಂಭಿಸಿ, ನಾನು ಈಗಾಗಲೇ 12 ವರ್ಷಗಳಿಂದ ವೈದ್ಯಕೀಯ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸುತ್ತಿದ್ದೇನೆ.
4. ಪ್ರಸ್ತುತ ನಿಮ್ಮ ಆಸ್ಪತ್ರೆ ಅಥವಾ ಕ್ಲಿನಿಕ್‌ನಲ್ಲಿ ಯಾವ ರೀತಿಯ ವೈದ್ಯಕೀಯ ಸೇವೆಗಳನ್ನು ನೀಡುತ್ತಿದ್ದಿರಿ?
ನಾನು ಪ್ರಸ್ತುತ ಜೆಎಸ್‌ಎಸ್ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆ, ಮೈಸೂರು ನಲ್ಲಿ ಸಂಧಿವಾತಶಾಸ್ತ್ರ ವಿಭಾಗದಲ್ಲಿ (Department of Rheumatology) ಸೇವೆ ಸಲ್ಲಿಸುತ್ತಿದ್ದೇನೆ. ಇಲ್ಲಿ ನಾವು ಸಂಧಿವಾತ ಮತ್ತು ಕೀಲು ರೋಗಗಳ ರೋಗನಿರ್ಣಯ ಮತ್ತು ನಿರ್ವಹಣೆಗೆ ಸಂಬಂಧಿಸಿದ ವ್ಯಾಪಕ ವೈದ್ಯಕೀಯ ಸೇವೆಗಳನ್ನು ಒದಗಿಸುತ್ತೇವೆ.
ಅವುಗಳಲ್ಲಿ ಪ್ರಮುಖವಾಗಿ:
- • ಆರ್ಥ್ರೈಟಿಸ್ ಸಂಬಂಧಿತ ರೋಗಗಳ ನಿರ್ವಹಣೆ: ರೂಮಟಾಯ್ಡ್ ಆರ್ಥ್ರೈಟಿಸ್, ಅಂಕೈಲೋಸಿಂಗ್ ಸ್ಪಾಂಡಿಲೈಟಿಸ್, ಸೋರಿಯಾಟಿಕ್ ಆರ್ಥ್ರೈಟಿಸ್, ಗೌಟ್, ಕ್ರಿಸ್ಟಲ್ ಆರ್ಥ್ರೈಟಿಸ್, ಫೈಬ್ರೊಮ್ಯಾಲ್ಗಿಯ (ಮೃದು ಅಂಗಾಂಶಗಳ ಸಂಧಿವಾತ),ಕ್ಷೀಣಗೊಳ್ಳುವ ಕೀಲುಗಳ ರೋಗಗಳು, ಹಾಗೂ ಆಟೋಇಮ್ಯೂನ್ ಕಣ್ಣಿನ ಕಾಯಿಲೆಗಳಂತಹ ರೋಗಗಳಿಗೆ ಚಿಕಿತ್ಸೆ.
- • ಕನೆಕ್ಟಿವ್ ಟಿಶ್ಯೂ ಕಾಯಿಲೆಗಳು ಮತ್ತು ಆಟೋಇಮ್ಯೂನ್ ರೋಗಗಳು: ಸಿಸ್ಟಮಿಕ್ ಲೂಪಸ್ ಎರಿಥೆಮಾಟೋಸಸ್ (SLE), ಜೊಗ್ರನ್ ಸಿಂಡ್ರೋಮ್, ಇನ್ಫ್ಲೇಮಟರಿ ಮಯೋಸೈಟಿಸ್ (ಡರ್ಮಟೋಮಯೋಸೈಟಿಸ್, ಪಾಲಿಮಯೋಸೈಟಿಸ್ ಸೇರಿದಂತೆ), ಸ್ಕ್ಲೆರೋಡರ್ಮಾ, ವಾಸ್ಕುಲೈಟಿಸ್ (ಸಣ್ಣ, ಮಧ್ಯಮ & ದೊಡ್ಡ ನಾಳಗಳ ವಾಸ್ಕುಲೈಟಿಸ್) ಮತ್ತು CTDs ಸಂಬಂಧಿತ ಇಂಟರ್ಸ್ಟಿಷಿಯಲ್ ಶ್ವಾಸಕೋಶ ರೋಗ (ILD) ನಿರ್ವಹಣೆ.
- • ಒಳರೋಗಿ ಸೇವೆಗಳು: ಎಲ್ಲಾ ಸಂಧಿವಾತ ರೋಗಗಳ ತೀವ್ರ ಉಲ್ಬಣಗಳ ನಿರ್ವಹಣೆ, ಜಟಿಲ ಪ್ರಕರಣಗಳ ಮೌಲ್ಯಮಾಪನ, ಜೈವಿಕ ಔಷಧಿಗಳು ಮತ್ತು ಇಮ್ಯೂನೋಸಪ್ರೆಸಿವ್ಸ್‌ನ ಡೇ ಕೇರ್ ಇನ್ಫ್ಯೂಷನ್‌ಗಳು, ಹಾಗೂ ತೀವ್ರ ಆರೈಕೆ ಸೇವೆಗಳು.
- • ವಿವಿಧ ಕಾರ್ಯವಿಧಾನಗಳು: ಕೀಲುಗಳೊಳಗಿನ ಇಂಜೆಕ್ಷನ್‌ಗಳು, ಮಸ್ಕ್ಯುಲೋಸ್ಕೆಲಿಟಲ್ ಇಂಜೆಕ್ಷನ್‌ಗಳು, ಸಣ್ಣ ಲಾಲಾ ಗ್ರಂಥಿಯ ಬಯಾಪ್ಸಿ, ಮತ್ತು Nailfold capillaroscopy (NFC) ಸೇರಿದಂತೆ ವಿವಿಧ ಪ್ರಕ್ರಿಯೆಗಳನ್ನು ನಡೆಸುತ್ತೇವೆ.
5. ನೀವು ಪರಿಹರಿಸಿದ ಅತ್ಯಂತ ಸವಾಲಿನ ಅಥವಾ ವಿಶೇಷ ಪ್ರಕರಣವನ್ನು ಹಂಚಿಕೊಳ್ಳುತ್ತೀರಾ?
DM ತರಬೇತಿಯ ಸಮಯದಲ್ಲಿ DADA2 deficiency ಇರುವ ಮಕ್ಕಳಲ್ಲಿ posterior reversible encephalopathy syndrome (PRES) ಗಳಂತಹ ಅಪರೂಪದ ಪ್ರಕರಣಗಳನ್ನು ನಿರ್ವಹಿಸಿರುವೆ. ಇಂತಹ ಪ್ರಕರಣಗಳು ನಿರ್ಣಯ ಮತ್ತು ಚಿಕಿತ್ಸೆಯಲ್ಲಿನ ಸವಾಲುಗಳನ್ನು ಮನಸ್ಸಿಗೆ ಹತ್ತಿರವಾಗಿವೆ.
6. ನಿಮ್ಮ ಅನುಭವದಲ್ಲಿ, ಹೊಸ ತಂತ್ರಜ್ಞಾನದ ಅನುಕೂಲ ಹಾಗೂ ಅನಾನುಕೂಲತೆಗಳ ಬಗ್ಗೆ ತಿಳಿಸುವಿರಾ?
ಹೊಸ ತಂತ್ರಜ್ಞಾನದಿಂದ ಆಳವಾದ ನಿರ್ಣಯ ಸಾಧ್ಯವಾಗಿದೆ. MSK ಅಲ್ಟ್ರಾಸೌಂಡ್, ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್, ಜೀನೊಮಿಕ್ಸ್ ಮುಂತಾದವುಗಳು ಸಹಾಯಕ. ಆದರೆ ಇವುಗಳು ಕೆಲವೊಮ್ಮೆ ಅಧಿಕ ಅವಲಂಬನೆಯ ಕಾರಣದಿಂದ ಪ್ರಾಥಮಿಕ ಚಿಕಿತ್ಸೆಯನ್ನು ವಿಳಂಬ ಮಾಡಬಹುದು.
7. ತುರ್ತು ಸಂದರ್ಭಗಳನ್ನು ನೀವು ಹೇಗೆ ನಿಭಾಯಿಸುತ್ತಿರಿ?
ತುರ್ತು ಸಂದರ್ಭಗಳಲ್ಲಿ ಶಾಂತ ಮನಸ್ಸಿನಿಂದ, ವೇಗವಾಗಿ ನಿರ್ಣಯ ಮಾಡುತ್ತಾ, ತಂಡದ ಸಹಕಾರದಿಂದ ರೋಗಿಯ ಸುರಕ್ಷತೆಗೆ ಆದ್ಯತೆ ನೀಡುತ್ತೇನೆ.
8. ಸಾರ್ವಜನಿಕರಿಗೆ ಆರೋಗ್ಯ ಕಾಪಾಡಿಕೊಳ್ಳಲು ನೀಡಬಹುದಾದ ಪ್ರಮುಖ ಸಲಹೆಗಳು ಯಾವುವು?
- • ನಿಯಮಿತ ವ್ಯಾಯಾಮ, ಸಮತೋಲನ ಆಹಾರ, ನಿದ್ರೆ ಮತ್ತು ಮಾನಸಿಕ ನೆಮ್ಮದಿಗೆ ಗಮನ
- • ಸಂಧಿವಾತ ರೋಗಗಳ ಲಕ್ಷಣಗಳನ್ನು ನಿರ್ಲಕ್ಷಿಸಬೇಡಿ. ಸಂಧಿವಾತ ರೋಗಗಳು ಮತ್ತು ಅಡ್ಡಪರಿಣಾಮಗಳ ಬಗ್ಗೆ ಭಯಪಡಬೇಡಿ. ನಾವು ನಿಮಗೆ ಸಹಾಯ ಮಾಡಲು ಇದ್ದೇವೆ.
9. ವೃತ್ತಿ ಮತ್ತು ನಿಮ್ಮ ಕುಟುಂಬ ಸಂಬಂಧಗಳ ಹೊಂದಾಣಿಕೆ ಹೇಗೆ?
ಸಮಯ ನಿರ್ವಹಣೆ ಮತ್ತು ಕುಟುಂಬದ ಬೆಂಬಲದಿಂದ ವೃತ್ತಿ ಹಾಗೂ ವೈಯಕ್ತಿಕ ಜೀವನದ ಸಮತೋಲನ ಕಾಯ್ದುಕೊಳ್ಳಲಾಗಿದೆ.
ಸಂಪರ್ಕ ಮಾಹಿತಿ
ಶಕುಂತಲ ಆರ್ಥ್ರೈಟಿಸ್ ಅಂಡ್ ರುಮಟಾಲಜಿ ಕ್ಲಿನಿಕ್
ಪ್ರಭು ಕಾಂಪ್ಲೆಕ್ಸ, ಶಾಪ್ ನಂ. 3, #452/1 ಸಿ, F9/1 ಸಿ, ಎಂ.ಜಿ. ರೋಡ್‌, ಕೆ.ಆರ್. ಮೊಹಳ್ಳಿ, ಮೈಸೂರು – 570004
ಚಾಮರಾಜನಗರ
ಮಂಡ್ಯ
