ಶರನ್ನವರಾತ್ರಿ ಬಿದಿಗೆಯಿಂದ ಆರಂಭಿಸಿ ಕರಗಗಳು 4-5 ದಿನಗಳ ಕಾಲ ನಗರ ಸಂಚಾರ ಮಡುತ್ತದೆ. ದೇವರಿಗೆ ಅರ್ಪಿಸಿದ ನೈವೇದ್ಯವನ್ನು ಸ್ವೀಕರಿಸಿ ಪ್ರತಿದಿನ ಮಧ್ಯಾಹ್ನ 12ಗಂಟೆ ನಂತರ ಕರಗಗಳನ್ನು ಹೊರಡಿಸಲಾಗುವುದು. ಮೊದಲು ಮೂರು ಕರಗಗಳು ಕುಂದುರುಮೊಟ್ಟೆ ದೇಗುಲಕ್ಕೆ ಆಗಮಿಸಿ ಪೂಜೆ ಸಲ್ಲಿಸಿ ನಂತರ ನಗರ ಸಂಚಾರಕ್ಕೆ ಹೊರಡುತ್ತಾರೆ. ಭಕ್ತರು ಕರಗಗಳನ್ನು ಭಕ್ತಿ-ಭಾವದಿಂದ ಸ್ವಾಗತಿಸಿ, ಪೂಜೆ ನೀಡಿ ಆಶೀರ್ವಾದ ಪಡೆಯುತ್ತಾರೆ. ನಗರ ಸಂಚಾರವಿಲ್ಲದ ದಿನಗಳಲ್ಲಿ ಕರಗಗಳಿಗೆ ದೇಗುಲಗಳಲ್ಲಿಯೇ ಪೂಜೆ ಸಲ್ಲಿಸಲಾಗುತ್ತದೆ.