ಮುಳಿಯ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ದಸರಾ ಲಕ್ಕಿ ಡ್ರಾ ವಿಜೇತರಿಗೆ ಬಹುಮಾನ ವಿತರಣೆ: ಮಡಿಕೇರಿ, ಗೋಣಿಕೊಪ್ಪಲಿನಲ್ಲಿ ಸಂಭ್ರಮ
ಸರ್ಚ್‌ ಕೂರ್ಗ್‌ ಸುದ್ದಿ ಅಪ್ಡೇಟ್ಸ್
ಕೊಡಗಿನ ಕ್ಷಣ ಕ್ಷಣದ ಮಾಹಿತಿಗಾಗಿ ನಮ್ಮೊಂದಿಗೆ ಇರಿ
ಮುಳಿಯ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ದಸರಾ ಲಕ್ಕಿ ಡ್ರಾ ವಿಜೇತರಿಗೆ ಬಹುಮಾನ ವಿತರಣೆ: ಮಡಿಕೇರಿ, ಗೋಣಿಕೊಪ್ಪಲಿನಲ್ಲಿ ಸಂಭ್ರಮ
ದಿನಾಂಕ: ಅಕ್ಟೋಬರ್ 18
ಶಾಖೆಗಳು: ಮಡಿಕೇರಿ ಮತ್ತು ಗೋಣಿಕೊಪ್ಪಲು
ದಸರಾ ಹಬ್ಬದ ಪ್ರಯುಕ್ತ ಮುಳಿಯ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ಮತ್ತು ಕರ್ನಾಟಕ ಗೋಲ್ಡ್ ಫೆಡರೇಷನ್ ಆಯೋಜಿಸಿದ್ದ ಬೃಹತ್ ಲಕ್ಕಿ ಡ್ರಾದ ಅಂತಿಮ ಬಹುಮಾನ ವಿತರಣಾ ಕಾರ್ಯಕ್ರಮವು ಅಕ್ಟೋಬರ್ 18ರಂದು ಮಡಿಕೇರಿ ಮತ್ತು ಗೋಣಿಕೊಪ್ಪಲು ಶಾಖೆಗಳಲ್ಲಿ ವಿಜೃಂಭಣೆಯಿಂದ ನಡೆಯಿತು.
ಮಡಿಕೇರಿ ಶಾಖೆಯ ಸಮಾಚಾರ
ಮಡಿಕೇರಿ ಶಾಖೆಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಒಟ್ಟು ಆರು ಮಂದಿ ಗ್ರಾಹಕರು ಚಿನ್ನದ ನಾಣ್ಯಗಳನ್ನು ಹಾಗೂ ಒಂಬತ್ತು ಮಂದಿ ಬೆಳ್ಳಿ ನಾಣ್ಯಗಳನ್ನು ಗೆದ್ದುಕೊಂಡರು.
ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ಶ್ರೀಮತಿ ಅರವಿಂದ ಅಣ್ಣಪ್ಪ ಮತ್ತು ಶ್ರೀಮತಿ ಲೀಲಾ ಮೇದಪ್ಪ ಅವರು ಅದೃಷ್ಟ ಚೀಟಿಗಳನ್ನು ತೆಗೆಯುವ ಮೂಲಕ ವಿಜೇತರನ್ನು ಘೋಷಿಸಿ, ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಈ ಸಂದರ್ಭದಲ್ಲಿ ಮಾತನಾಡಿದ ಅತಿಥಿಗಳು, “ಸದಾ ನಗುಮೊಗದ ಸೇವೆಯನ್ನು ನೀಡುವ ಮುಳಿಯ ಗೋಲ್ಡ್ ಆ್ಯಂಡ್ ಡೈಮಂಡ್ಸ್‌ನ ಹಲವಾರು ವಿಶೇಷತೆಗಳು ಮತ್ತು ವಿಶಿಷ್ಟ ವಿನ್ಯಾಸಗಳು ಜನರ ಮೆಚ್ಚುಗೆಗೆ ಪಾತ್ರವಾಗಿವೆ” ಎಂದು ಶ್ಲಾಘಿಸಿದರು.
ಈ ಸಂದರ್ಭದಲ್ಲಿ ಶಾಖಾ ಉಪ ವ್ಯವಸ್ಥಾಪಕರಾದ ಚಂದ್ರ, ಗ್ರಾಹಕರು ಹಾಗೂ ಸಿಬ್ಬಂದಿ ವರ್ಗದವರು ಉಪಸ್ಥಿತರಿದ್ದರು.
ಗೋಣಿಕೊಪ್ಪಲು ಶಾಖೆಯ ಸಮಾಚಾರ
ದಸರಾ ಸಮಯದ ಲಕ್ಕಿ ಡ್ರಾದಲ್ಲಿ ಗೋಣಿಕೊಪ್ಪಲು ಶಾಖೆಯಿಂದ ಇಬ್ಬರು ಅದೃಷ್ಟಶಾಲಿಗಳು ಡೈಮಂಡ್ ರಿಂಗ್ ಆಭರಣ, ಆರು ಮಂದಿ ಚಿನ್ನದ ನಾಣ್ಯ ಮತ್ತು ಒಂಬತ್ತು ಮಂದಿ ಬೆಳ್ಳಿ ನಾಣ್ಯಗಳನ್ನು ಗೆದ್ದು ಸಂಭ್ರಮಿಸಿದರು.
ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ಪದ್ಮಲತಾ ಜೈನ್ ಅವರು ಅದೃಷ್ಟ ಚೀಟಿಗಳನ್ನು ತೆಗೆಯುವ ಮೂಲಕ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ನಂತರ ಮಾತನಾಡಿದ ಅವರು, “ಸದಾ ಸಂತೋಷ ನೀಡುವ ಮುಳಿಯ ಸಂಸ್ಥೆಯು ಹಲವು ವಿಶೇಷತೆಗಳೊಂದಿಗೆ, ಯುನಿಕ್ ಡಿಸೈನ್‌ಗಳನ್ನು ನೀಡಿ ಜನರ ಮೆಚ್ಚುಗೆಗೆ ಪಾತ್ರವಾಗಿದೆ” ಎಂದು ಹರ್ಷ ವ್ಯಕ್ತಪಡಿಸಿದರು.
ಈ ಸಂದರ್ಭದಲ್ಲಿ ಶಾಖಾ ವ್ಯವಸ್ಥಾಪಕರಾದ ಕಿಶೋರ್, ಉಪ ವ್ಯವಸ್ಥಾಪಕರು, ಗ್ರಾಹಕರು ಹಾಗೂ ಸಿಬ್ಬಂದಿ ವರ್ಗದವರು ಉಪಸ್ಥಿತರಿದ್ದರು.
