Pete Rama Mandira Temple Madikeri Dasara ಪೇಟೆ ಶ್ರೀ ರಾಮ ಮಂದಿರ ದೇವಾಲಯ ದಸರಾ ಸಮಿತಿ
ಶ್ರೀ ಪೇಟೆ ರಾಮಮಂದಿರ ದೇವಾಲಯ
ಸರ್ಚ್‌ ಕೂರ್ಗ್‌ ಸುದ್ದಿ ಅಪ್ಡೇಟ್ಸ್
ಕೊಡಗಿನ ಕ್ಷಣ ಕ್ಷಣದ ಮಾಹಿತಿಗಾಗಿ ನಮ್ಮೊಂದಿಗೆ ಇರಿ
ಮಡಿಕೇರಿ ದಸರಾ ಉತ್ಸವದ ಪ್ರಥಮ ಹಾಗೂ ಪ್ರಮುಖ ಮಂಟಪ • 161ನೇ ವರ್ಷದ ಭಕ್ತಿ ಪರಂಪರೆ
ಐತಿಹಾಸಿಕ ಶ್ರೀ ಪೇಟೆ ರಾಮಮಂದಿರ - ಮಡಿಕೇರಿ
ಶ್ರೀ ರಾಮ, ಲಕ್ಷ್ಮಣ ಹಾಗೂ ಸೀತಾ ಮಾತೆಯರ ಪವಿತ್ರ ದರ್ಶನ
ಸಂಕಷ್ಟ ನಿವಾರಣೆಯ ಮೂಲ
ಸುಮಾರು 161 ವರ್ಷಗಳ ಹಿಂದೆ ಸಾಂಕ್ರಾಮಿಕ ರೋಗಗಳು ಹಾಗೂ ಆರ್ಥಿಕ ಮುಗ್ಗಟ್ಟು ಎದುರಾದಾಗ, ನಾಲ್ಕು ಶಕ್ತಿ ದೇವತೆಗಳನ್ನು ಕರೆತಂದು ನಗರ ಪ್ರದಕ್ಷಿಣೆ ಮಾಡಿಸಿದ ಪುಣ್ಯ ಪರಂಪರೆ ಇಂದಿಗೂ ಮುಂದುವರಿದಿದೆ.
ಯುದ್ಧಗಳ ಕಾಲದಲ್ಲೂ ನಿಲ್ಲದ ಪಲ್ಲಕ್ಕಿ ಮೆರವಣಿಗೆ; ಕಾಲ ಬದಲಾದರೂ ಸಂಪ್ರದಾಯದ ಚೌಕಟ್ಟನ್ನು ಕಾಪಾಡಿಕೊಂಡು, ನಿಗದಿತ ಸಮಯಕ್ಕೆ ಸರಿಯಾಗಿ ಕರಗಗಳನ್ನು ಹೊರಡಿಸುವ ಪವಿತ್ರ ಹೊಣೆಗಾರಿಕೆ ರಾಮಮಂದಿರದ್ದು.
ಪ್ರಾಸ್ತಾವಿಕ
🏛 ಐತಿಹಾಸಿಕ ಮಡಿಕೇರಿ ದಸರಾ ಹಬ್ಬದ ದಶಮಂಟಪಗಳಲ್ಲಿ ಪ್ರಥಮ ಹಾಗೂ ಪ್ರಮುಖ ದೇಗುಲವಾದ ಶ್ರೀ ಪೇಟೆ ರಾಮಮಂದಿರವು ಸುಮಾರು 161ನೇ ವರ್ಷದಿಂದ ದಸರಾ ಉತ್ಸವವನ್ನು ಅತ್ಯಂತ ವಿಜೃಂಭಣೆಯಿಂದ ಆಚರಿಸಿಕೊಂಡು ಬರುತ್ತಿದೆ. 🛕
📉 ಸುಮಾರು ನೂರಾ ಅರವತ್ತೊಂದು ವರ್ಷಗಳ ಹಿಂದೆ ಕೊಡಗಿನಲ್ಲಿ ಕಾಣಿಸಿಕೊಂಡ ಭಯಂಕರವಾದ ವಿವಿಧ ತರದ ಸಾಂಕ್ರಾಮಿಕ ರೋಗಗಳೊಂದಿಗೆ ಆರ್ಥಿಕ ಸಮಸ್ಯೆ ಕಂಡುಬಂದು ಇಲ್ಲಿಯ ಜನಸಾಮಾನ್ಯರು ತುಂಬಾ ತೊಂದರೆ ಅನುಭವಿಸಿದರು 🤒. ಇಂತಹ ಸಂಕಟ ಕಾಲದಲ್ಲಿ ಇದರ ಪರಿಹಾರಕ್ಕಾಗಿ ಧಾರ್ಮಿಕ ಮುಖಂಡರು ಕೊಡಗಿನ ಮುಖ್ಯ ಸ್ಥಳವಾದ ಮಡಿಕೇರಿ ನಗರದಲ್ಲಿರುವ ನಾಲ್ಕು ಶಕ್ತಿ ದೇವತೆಗಳನ್ನು ದೊಡ್ಡ ಪೇಟೆಗೆ ಕರೆತಂದು ನಗರ ಪ್ರದಕ್ಷಿಣೆ ಮಾಡಿಸುವ ವ್ಯವಸ್ಥೆಯನ್ನು ದಸರಾ ಹಬ್ಬದ ಹಿನ್ನೆಲೆಯಲ್ಲಿ ಆಚರಿಸಲು ನಿರ್ಧರಿಸಿದರು 🚩. ಈ ಶಕ್ತಿ ದೇವತೆಗಳು ಮೂಲ ಪಾರ್ವತಿ ದೇವಿಯ ಅಂಶದವರಾಗಿರುತ್ತಾರೆ 🌸, ನವರಾತ್ರಿಯ ಮೊದಲ ದಿನ ದೇವಿಯು ದುಷ್ಟ ಸಂಹಾರಕ್ಕಾಗಿ ಅವಶ್ಯವಿರುವ ಆಯುಧಗಳಿಗಾಗಿ ದೇವಾನುದೇವತೆಗಳ ಅಣ್ಣನ ಸ್ಥಾನದಲ್ಲಿರುವ ಶ್ರೀ ಮಹಾ ವಿಷ್ಣುವಿನ ಬಳಿ ಹೋಗುತ್ತಾಳೆ 🏹: ಶ್ರೀ ಮಹಾ ವಿಷ್ಣು ಆ ದಿನ ತನ್ನ ನಾಲ್ಕು ಅಸ್ತ್ರಗಳಾದ ಶಂಖ 🐚, ಚಕ್ರ ☸️, ಗಧೆ 🔨 ಹಾಗೂ ಇತರ ಶಸ್ತ್ರಾಸ್ತ್ರಗಳನ್ನು ನೀಡುತ್ತಾನೆ. ಇದು ಪುರಾಣ ಕಥೆ ✨. ೫ ದಿನದ ಹಿನ್ನೆಲೆಯಲ್ಲಿ ನಾಲ್ಕು ಶಕ್ತಿ ದೇವತೆಗಳಾದ ಶ್ರೀ ಚೌಟಿ ಮಾರಿಯಮ್ಮ, ಶ್ರೀ ಕೋಟೆ ಮಾರಿಯಮ್ಮ, ಶ್ರೀ ಕಂಚಿಕಾಮಾಕ್ಷಿಯಮ್ಮ ಹಾಗೂ ಶ್ರೀ ದಂಡಿನ ಮಾರಿಯಮ್ಮ ದೇವತೆಗಳು ಕರಗ ಕಟ್ಟಿದಂತೆ ಅಣ್ಣನಾದ ಶ್ರೀ ಮಹಾ ವಿಷ್ಣುವಿನ ಸ್ಥಾನವಾದ ಪೇಟೆ ಶ್ರೀ ರಾಮಮಂದಿರಕ್ಕೆ ಬರುವ ಸಂಪ್ರದಾಯವಾಯಿತು 🪔, ನಂತರ ನವದಿನಗಳು ಈ ಶಕ್ತಿ ದೇವತೆಗಳ ಕರಗಗಳನ್ನು ನಗರ ಪ್ರದಕ್ಷಿಣೆ ಮಾಡುತ್ತಿರುತ್ತದೆ 🌺.
📉 ಸುಮಾರು ನೂರಾ ಐವತ್ತು ವರ್ಷಗಳ ಹಿಂದೆ ಕೊಡಗಿನಲ್ಲಿ ಕಾಣಿಸಿಕೊಂಡ ಭಯಂಕರವಾದ ವಿವಿಧ ತರದ ಸಾಂಕ್ರಾಮಿಕ ರೋಗಗಳೊಂದಿಗೆ ಆರ್ಥಿಕ ಸಮಸ್ಯೆ ಕಂಡುಬಂದು ಇಲ್ಲಿಯ ಜನಸಾಮಾನ್ಯರು ತುಂಬಾ ತೊಂದರೆ ಅನುಭವಿಸಿದರು 🤒. ಇಂತಹ ಸಂಕಟ ಕಾಲದಲ್ಲಿ ಇದರ ಪರಿಹಾರಕ್ಕಾಗಿ ಧಾರ್ಮಿಕ ಮುಖಂಡರು ಕೊಡಗಿನ ಮುಖ್ಯ ಸ್ಥಳವಾದ ಮಡಿಕೇರಿ ನಗರದಲ್ಲಿರುವ ನಾಲ್ಕು ಶಕ್ತಿ ದೇವತೆಗಳನ್ನು ದೊಡ್ಡ ಪೇಟೆಗೆ ಕರೆತಂದು ನಗರ ಪ್ರದಕ್ಷಿಣೆ ಮಾಡಿಸುವ ವ್ಯವಸ್ಥೆಯನ್ನು ದಸರಾ ಹಬ್ಬದ ಹಿನ್ನೆಲೆಯಲ್ಲಿ ಆಚರಿಸಲು ನಿರ್ಧರಿಸಿದರು 🚩. ಈ ಶಕ್ತಿ ದೇವತೆಗಳು ಮೂಲ ಪಾರ್ವತಿ ದೇವಿಯ ಅಂಶದವರಾಗಿರುತ್ತಾರೆ 🌸, ನವರಾತ್ರಿಯ ಮೊದಲ ದಿನ ದೇವಿಯು ದುಷ್ಟ ಸಂಹಾರಕ್ಕಾಗಿ ಅವಶ್ಯವಿರುವ ಆಯುಧಗಳಿಗಾಗಿ ದೇವಾನುದೇವತೆಗಳ ಅಣ್ಣನ ಸ್ಥಾನದಲ್ಲಿರುವ ಶ್ರೀ ಮಹಾ ವಿಷ್ಣುವಿನ ಬಳಿ ಹೋಗುತ್ತಾಳೆ 🏹: ಶ್ರೀ ಮಹಾ ವಿಷ್ಣು ಆ ದಿನ ತನ್ನ ನಾಲ್ಕು ಅಸ್ತ್ರಗಳಾದ ಶಂಖ 🐚, ಚಕ್ರ ☸️, ಗಧೆ 🔨 ಹಾಗೂ ಇತರ ಶಸ್ತ್ರಾಸ್ತ್ರಗಳನ್ನು ನೀಡುತ್ತಾನೆ. ಇದು ಪುರಾಣ ಕಥೆ ✨. ೫ ದಿನದ ಹಿನ್ನೆಲೆಯಲ್ಲಿ ನಾಲ್ಕು ಶಕ್ತಿ ದೇವತೆಗಳಾದ ಶ್ರೀ ಚೌಟಿ ಮಾರಿಯಮ್ಮ, ಶ್ರೀ ಕೋಟೆ ಮಾರಿಯಮ್ಮ, ಶ್ರೀ ಕಂಚಿಕಾಮಾಕ್ಷಿಯಮ್ಮ ಹಾಗೂ ಶ್ರೀ ದಂಡಿನ ಮಾರಿಯಮ್ಮ ದೇವತೆಗಳು ಕರಗ ಕಟ್ಟಿದಂತೆ ಅಣ್ಣನಾದ ಶ್ರೀ ಮಹಾ ವಿಷ್ಣುವಿನ ಸ್ಥಾನವಾದ ಪೇಟೆ ಶ್ರೀ ರಾಮಮಂದಿರಕ್ಕೆ ಬರುವ ಸಂಪ್ರದಾಯವಾಯಿತು 🪔, ನಂತರ ನವದಿನಗಳು ಈ ಶಕ್ತಿ ದೇವತೆಗಳ ಕರಗಗಳನ್ನು ನಗರ ಪ್ರದಕ್ಷಿಣೆ ಮಾಡುತ್ತಿರುತ್ತದೆ 🌺.
⏰ ಹತ್ತನೇ ದಿನವಾದ ವಿಜಯದಶಮಿಯಂದು ದೊಡ್ಡ ಪೇಟೆಯ ಶ್ರೀ ರಾಮ ಮಂದಿರದಿಂದ ಸಂಜೆ 7.00 ಗಂಟೆಯ ಸಮಯಕ್ಕೆ ಕಳಶ ಹೊತ್ತ ಪಲ್ಲಕಿಯು ಮಂಗಳ ವಾದ್ಯದೊಂದಿಗೆ ಮೆರವಣಿಗೆಯಲ್ಲಿ ಹೊರಟು ಶ್ರೀ ಚೌಟಿ ಮಾರಿಯಮ್ಮ ದೇವಾಲಯವನ್ನು ತಲುಪಿ ಅಲ್ಲಿ ಕರಗ ಪೂಜೆ ಪಡೆಯುವ ಮೂಲಕ ಕರಗವನ್ನು ಹೊರಡಿಸಿಕೊಂಡು ಶ್ರೀ ಕಂಚಿ ಕಾಮಾಕ್ಷಿ ದೇವಾಲಯಕ್ಕೆ ಬಂದು ಅಲ್ಲಿಯೂ ಪೂಜೆ ಸ್ವೀಕರಿಸಿ ಅಲ್ಲಿಂದ ಕರಗವನ್ನು ಹೊರಡಿಸಿಕೊಂಡು ಶ್ರೀ ದಂಡಿನ ಮಾರಿಯಮ್ಮ ದೇವಾಲಯಕ್ಕೆ ಬರುತ್ತದೆ 🛕. ಅದೇ ಸಮಯದಲ್ಲಿ ಶ್ರೀ ಕೋಟೆ ಮಾರಿಯಮ್ಮ ದೇವಾಲಯದ ಕರಗ ಹೊರಟು ಬಂದು ದಂಡಿನ ಮಾರಿಯಮ್ಮ ದೇವಾಲಯದಲ್ಲಿ ಪೇಟೆ ಶ್ರೀ ರಾಮಮಂದಿರದ ಕಳಶಪೂಜೆಗೆ ಕಾದು ಕುಳಿತಿರುತ್ತದೆ 🤝. ಶ್ರೀ ಕೋಟೆ ಮಾರಿಯಮ್ಮ ದೇವಾಲಯ ಕರಗ ತನ್ನ ಅಕ್ಕನ ಸ್ಥಾನಕ್ಕೆ ಬಂದು ಕಾಯುತ್ತಿರುವುದಕ್ಕೆ ಒಂದು ಮುಖ್ಯವಾದ ಕಾರಣವಿರುತ್ತದೆ 📜. ಹಿಂದೆ ದಸರಾ ಹಬ್ಬವನ್ನು ಮಡಿಕೇರಿಯಲ್ಲಿ ಆಚರಿಸಲು ಆರಂಭಿಸಿದ ಆ ದಿನಗಳಲ್ಲಿ ಶ್ರೀ ಕೋಟೆ ಮಾರಿಯಮ್ಮ ದೇವಾಲಯಕ್ಕೆ ಹೋಗಲು ತುಂಬಾ ಕಿರಿದಾದ ಒಂದು ಕಾಲು ದಾರಿ ಮಾತ್ರ ಇತ್ತು 🛤️. ಬಹಳ ವರ್ಷಗಳ ಹಿಂದೆ ಕೋಟೆ ಕಟ್ಟುವ ಸಲುವಾಗಿ ನೆಲಸಮ ಮಾಡಿದ್ದ ಮಣ್ಣಿನ ರಾಶಿ ಕೋಟೆ ಸುತ್ತಲ ಪ್ರದೇಶವನ್ನು ಕಡಿದಾದ ಬೆಟ್ಟವನ್ನಾಗಿಸಿತ್ತು ⛰️. ಇಂತಹ ಕಡಿದಾದ ಸ್ಥಳದಲ್ಲಿ ಇದ್ದ ಈ ಕಾಲು ದಾರಿಯಲ್ಲಿ ಶ್ರೀ ಕೋಟೆ ಮಾರಿಯಮ್ಮ ದೇವಾಲಯದಿಂದ 3 ಮಂದಿ ಹೊರುವ ಅಲಂಕೃತ ಪಲ್ಲಕಿಯೊಂದಿಗೆ ವಾದ್ಯವೃಂದದ ಮೆರವಣಿಗೆಯು ರಾತ್ರಿ 9.00 ರ ವೇಳೆಯಲ್ಲಿ ಸಾಗುವುದು ಕಷ್ಟಕರವಾಗಿದ್ದರಿಂದ ಶ್ರೀ ಕೋಟೆ ಮಾರಿಯಮ್ಮ ದೇವಾಲಯದ ಕರಗ ಮುಖ್ಯಸ್ಥರು ತಮ್ಮ ಕರಗದೊಂದಿಗೆ ದಂಡಿನ ಮಾರಿಯಮ್ಮ ದೇವಾಲಯದಿಂದ ಬಂದು ಪೇಟೆ ಶ್ರೀ ರಾಮ ಮಂದಿರ ತರುವ ಕಳಶಕ್ಕಾಗಿ ಕಾಯುವಂತಾಯಿತು 🌙. ಇದೇ ಸಂಪ್ರದಾಯವು ಇಂದಿನವರೆಗೂ ಮುಂದುವರೆಯುತ್ತಾ ಬಂದಿರುತ್ತದೆ 🪔. ಹಿಂದೆಲ್ಲಾ ಶ್ರೀ ದಂಡಿನ ಮಾರಿಯಮ್ಮ ದೇವಾಲಯದಿಂದ ಕರಗವನ್ನು ಹೊರಡಿಸಿದ ಪೇಟೆ ಶ್ರೀ ರಾಮಮಂದಿರದ ಕಳಶ ಹೊತ್ತ ಪಲ್ಲಕ್ಕಿಯು ನಾಲ್ಕು ಕರಗಗಳೊಂದಿಗೆ ಮೆರವಣಿಗೆಯಲ್ಲಿ ಮುಖ್ಯ ರಸ್ತೆಯಲ್ಲಿ ಸಾಗಿ ರಾಜರಸ್ತೆ ಎನಿಸಿದ ಮಹದೇವಪೇಟೆ ರಸ್ತೆಯ ಮೂಲಕ ಎಲೆ ಪೇಟೆಯಲ್ಲಿ ಬನ್ನಿ ಕಡಿಯುವ ಮೂಲಕ ವಿಜಯದಶಮಿಯ ರಾತ್ರಿ 12.00 ಗಂಟೆಯೊಳಗೆ ಉತ್ಸವವು ಶಾಂತಿಯುತವಾಗಿ ಮುಗಿಯುತ್ತಿತ್ತು ✨.
ಹಿನ್ನಲೆ – ಇತಿಹಾಸ
🏛️ ಹಿನ್ನಲೆ – ಇತಿಹಾಸ 🏛️🌟 ಪ್ರಪ್ರಥಮವಾಗಿ ನಡೆದ ದಸರಾ ಹಬ್ಬದಿಂದ ಪುಣ್ಯ ಫಲವೆಂಬಂತೆ ನಾಡಿನಲ್ಲಿ ತಲೆ ತೋರಿದ್ದ ಸಾಂಕ್ರಾಮಿಕ ಮಾರಿರೋಗಗಳೊಂದಿಗೆ ಜನ ಸಾಮಾನ್ಯರ ಕಷ್ಟಕೋಟಲೆಗಳು ಮಂಜಿನಂತೆ ಕರಗಿ ಹೋಗಿದ್ದು ☀️, ಶಾಂತಿಯುತವಾದ ಆರೋಗ್ಯಕರ ವಾತಾವರಣ ಮೂಡಿಸಿದ್ದನ್ನು ಮನಗಂಡ ಧಾರ್ಮಿಕ ಮುಖಂಡರು ಹಾಗೂ ಶಕ್ತಿ ದೇವತೆಗಳ ದೇವಾಲಯದ ಪ್ರಮುಖರು ಇನ್ನು ಮುಂದಕ್ಕೆ ಪ್ರತೀ ವರ್ಷವೂ ಶಕ್ತಿದೇವತೆಗಳ ಅನುಗ್ರಹ ಪಡೆಯುವ ಸಲುವಾಗಿ ಈ ದಸರಾ ಹಬ್ಬವನ್ನು ಮುಂದುವರೆಸಿಕೊಂಡು ಬರಲು ನಿರ್ಧರಿಸಿದರು 🤝. ಅಂದಿನಿಂದ ಇಂದಿನವರೆಗೂ ವರ್ಷದಿಂದ ವರ್ಷಕ್ಕೆ ದಸರಾ ಹಬ್ಬವನ್ನು ಆಚರಿಸುತ್ತಾ ಬಂದಿರುವುದು ಮಡಿಕೇರಿ ನಗರದ ಜನತೆಯ ಪರಂಪರೆಯಾಗಿದೆ 🏆.
ವಿಶೇಷವೆಂದರೆ 2 ನೇ ಮಹಾಯುದ್ಧದ ಸಂದರ್ಭದಲ್ಲಿ ⚔️ ಬ್ರಿಟೀಷ್ ಸರ್ಕಾರ ಎಲ್ಲಾ ಉತ್ಸವಗಳನ್ನು ಬಹಿಷ್ಕರಿಸಿದಾಗಲೂ ಮಡಿಕೇರಿ ನಗರದಲ್ಲಿ ಪೇಟೆ ಶ್ರೀ ರಾಮಮಂದಿರದಿಂದ ಹೊರಡುವ ಪಲ್ಲಕ್ಕಿಯ ಮೆರವಣಿಗೆ ಮಾತ್ರ ನಿಲ್ಲಲಿಲ್ಲ 🚩. 1962 ನೇ ಇಸವಿಯಲ್ಲಿ ಭಾರತ ಮತ್ತು ಚೀನಾ ದೇಶಗಳ ನಡುವೆ ನಡೆದ ಯುದ್ಧದ ಸಂದರ್ಭದಲ್ಲಿಯೂ ಸಹ 🇮🇳 ಪೇಟೆ ಶ್ರೀ ರಾಮಮಂದಿರದಿಂದ ಕರಗಗಳನ್ನು ಹೊರಡಿಸುವುದನ್ನು ನಿಲ್ಲಿಸಲಿಲ್ಲ ✨. ನಂತರವೂ ವರ್ಷದಿಂದ ವರ್ಷಕ್ಕೆ ಬೇರೆ ಬೇರೆ ದೇವಾಲಯದವರು ತಮ್ಮದೇ ಆದ ಪಲ್ಲಕಿಗಳನ್ನು ಹೊರಡಿಸಿಕೊಂಡು ಪೇಟೆ ಶ್ರೀ ರಾಮಮಂದಿರದ ಮೆರವಣಿಗೆಯನ್ನು ಹಿಂಬಾಲಿಸುವುದರ ಮೂಲಕ ಈ ಉತ್ಸವದ ಮೆರಗು ಹೆಚ್ಚುತ್ತಾ ಬಂತು 🛕.
ಮಡಿಕೇರಿಯಲ್ಲಿ ಆಚರಿಸುತ್ತಿದ್ದ ಈ ದಸರಾ ಹಬ್ಬವು ವರ್ಷದಿಂದ ವರ್ಷಕ್ಕೆ ಜನತೆಯನ್ನು ಆಕರ್ಷಿಸುತ್ತಾ ಬಂದು ಹೆಚ್ಚಿನ ಪ್ರಾಮುಖ್ಯತೆಯನ್ನು ಪಡೆಯಿತು 📈. ಪಲ್ಲಕ್ಕಿಗಳ ಸಂಖ್ಯೆಯು 5 ಕ್ಕೆ ಏರಿತು 🌸. ಜೊತೆಗೆ ಬದಲಾವಣೆಯ ಗಾಳಿಯು ಬೀಸಿತು 🌬️. ಪಲ್ಲಕ್ಕಿಯಿಂದ ಮಣಿ ಮಂಟಪ – ಮಣಿಮಂಟಪದಿಂದ ಮೋಟಾರು ಗಾಡಿಯಲ್ಲಿ ಮಂಟಪವನ್ನು ಹೊರಡಿಸುವಂತಾಯಿತು 🚜. ದೇವರ ಫೋಟೋದಿಂದ ಮಣ್ಣಿನ ಮೂರ್ತಿಯಾಯಿತು – ಪೇಪರ್ ಮೋಲ್ಡಿಂಗ್‌ನಲ್ಲಿ ದೇವತೆಗಳ ಬೊಂಬೆಗಳು ರಾರಾಜಿಸಿದವು 🎨. ದೊಂದಿಯೊಂದಿಗೆ ಆರಂಭವಾದ ಮೆರವಣಿಗೆ ಬಂದು – ಗ್ಯಾಸ್‌ಲೈಟ್ ನಂತರ ವಿದ್ಯುತ್ ಲೈಟಿಂಗ್ ಬೋರ್ಡ್‌ಗಳು ಬಂದವು 💡. ಜಾನಪದ ವಾದ್ಯಗಳು 🪘, ನಾದಸ್ವರಗಳ ಬದಲು ಪಾಶ್ಚಾತ್ಯ ಶೈಲಿಯ ಬ್ಯಾಂಡ್‌ಸೆಟ್‌ಗಳು ಬಂದವು 🎶. ಜನಾಕರ್ಷಣೆಯು ಹೆಚ್ಚಿತು 🤩. ದಸರಾ ಸಮಿತಿಯ ಉದಯವಾಯಿತು 🏛️. ಇದರಿಂದ ನಾಡ ದಸರಾ ಹಬ್ಬವು ದೇಶಾದ್ಯಂತ ಮನ್ನಣೆ ಪಡೆದು ಹೆಸರುವಾಸಿಯಾಯಿತು 🌍. ಮಂಟಪಗಳ ಸಂಖ್ಯೆಯು 10 ಕ್ಕೆ ಏರಿ ದಶಮಂಟಪಗಳಾಯಿತು 🔟. ಮಂಟಪಗಳ ಗಾತ್ರವೂ ದೊಡ್ಡದಾಗಿಬಂತು 📐. ದೇವಾದಿದೇವತೆಗಳು ಹಾಗೂ ಇತರ ಬೊಂಬೆಗಳಿಗೂ ಚಲನವಲನಗಳ ಅಳವಡಿಕೆಯಾಗಿ ಈ ಚಲನವಲನಗಳಿಗೆ ತಕ್ಕಂತಹ ಧ್ವನಿಮುದ್ರಣ ನೀಡಿ ಅದ್ಭುತವೆನಿಸುವ ಮನೋರಂಜನೆಯೊಂದಿಗೆ ಭಕ್ತಿ ಭಾವಗಳ ಸಮ್ಮಿಳನವಾಯಿತು 🎧🙏.
ಆದರೆ ಪೇಟೆ ಶ್ರೀ ರಾಮಮಂದಿರವು ತನ್ನ ಸಂಪ್ರದಾಯ ಪಾಲನೆಯನ್ನು ಮುಂದುವರಿಸುವ ನಿಟ್ಟಿನಲ್ಲಿ ತನ್ನ ಮಂಟಪದ ಗಾತ್ರವನ್ನು ಮಾತ್ರ ಹೆಚ್ಚಿಸಿಕೊಳ್ಳುವ ಸಾಹಸಕ್ಕೆ ಹೋಗಲಿಲ್ಲ 🛷, ಹಾಗೂ ನಗರದ ಕಿರಿದಾದ ರಸ್ತೆಗಳಲ್ಲಿ ತೆರಳಬೇಕಾದ ಸಂದರ್ಭ ಹಾಗೂ ಸಮಯಕ್ಕೆ ಸರಿಯಾಗಿ ಕರಗಗಳನ್ನು ಹೊರಡಿಸಬೇಕಾದ ಜವಾಬ್ದಾರಿಯನ್ನು ಹೊತ್ತು ಇಂದಿಗೂ ಪ್ರತಿ ವರ್ಷದ ವಿಜಯದಶಮಿಯ ದಿನ ಸಂಜೆ 7.30 ರ ಸಮಯಕ್ಕೆ ಸರಿಯಾಗಿ ತನ್ನ ನೆಲೆಯಿಂದ ಹೊರಡುತ್ತದೆ ⏰🚩.
ದಸರಾ ಮೆರವಣಿಗೆಯ ಮಹತ್ವ
ವಿಜಯದಶಮಿಯಂದು ನಾಲ್ಕೂ ಮಾರಿಯಮ್ಮ ಕರಗಗಳ ಸಮಾಗಮ ಮತ್ತು ಕಳಶಪೂಜೆ ನೆರವೇರಿಸಿ ಬನ್ನಿ ಕಡಿಯುವ ಸಂಪ್ರದಾಯವನ್ನು ಶಾಸ್ತ್ರೋಕ್ತವಾಗಿ ಮುನ್ನಡೆಸಿಕೊಂಡು ಬಂದ ಕೀರ್ತಿ ಪೇಟೆ ಶ್ರೀ ರಾಮಮಂದಿರದ್ದಾಗಿದೆ.
161 ವರ್ಷಗಳ ಸಾರ್ಥಕ ಇತಿಹಾಸವುಳ್ಳ ಈ ಸಂಪ್ರದಾಯವು ಕೇವಲ ಆಚರಣೆಯಷ್ಟೇ ಅಲ್ಲದೆ, ಇಡೀ ನಾಡಿನ ಜನರ ಆರೋಗ್ಯ, ಶಾಂತಿ ಮತ್ತು ಸಮೃದ್ಧಿಯ ರಕ್ಷಾ ಕವಚವಾಗಿ ನಡೆದುಕೊಂಡು ಬಂದಿದೆ.
ಪೇಟೆ ಶ್ರೀ ರಾಮ ಮಂದಿರ
150+ ವರ್ಷಗಳ ಐತಿಹಾಸಿಕ ದಸರಾ ಮಹೋತ್ಸವ – 2026
ಮಡಿಕೇರಿ ದಸರಾ ಮಹೋತ್ಸವದ ಇತಿಹಾಸದಲ್ಲಿ ಒಂದೂವರೆ ಶತಮಾನಕ್ಕೂ (150+ ವರ್ಷಗಳ) ಹೆಚ್ಚಿನ ಭವ್ಯ ಪರಂಪರೆಯನ್ನು ಹೊಂದಿರುವ ಪೇಟೆ ಶ್ರೀ ರಾಮ ಮಂದಿರವು ಈ ಬಾರಿಯ ದಸರಾ ಉತ್ಸವವನ್ನು ಅತ್ಯಂತ ಭಕ್ತಿ, ಸಂಭ್ರಮ ಹಾಗೂ ಸಾಂಪ್ರದಾಯಿಕ ವೈಭವದೊಂದಿಗೆ ಆಚರಿಸುತ್ತಿದೆ.
ಕಥಾ ಸಾರಾಂಶ
🦁 "ಶ್ರೀ ಲಕ್ಷ್ಮಿ ನರಸಿಂಹ ದರ್ಶನ" ✨
🏛️ 150+ ವರ್ಷಗಳ ಐತಿಹಾಸಿಕ ಹಿನ್ನೆಲೆ:
ಮಡಿಕೇರಿ ದಸರಾ ಇತಿಹಾಸದಲ್ಲಿ ಪೇಟೆ ಶ್ರೀ ರಾಮ ಮಂದಿರವು ಅತ್ಯಂತ ಹಳೆಯ ಹಾಗೂ ಸಾಂಪ್ರದಾಯಿಕ ಮಂಟಪಗಳಲ್ಲಿ ಒಂದಾಗಿದ್ದು, ತನ್ನದೇ ಆದ ಪರಂಪರೆಯನ್ನು ಹೊಂದಿದೆ.
🦁 ದೈವಿಕ ದರ್ಶನ & ಕಲಾ ವೈಭವ:
"ಶ್ರೀ ಲಕ್ಷ್ಮಿ ನರಸಿಂಹ ದರ್ಶನ" ಕಥಾ ಸನ್ನಿವೇಶದ ಮೂಲಕ ಭಕ್ತಾದಿಗಳನ್ನು ಮಂತ್ರಮುಗ್ಧರನ್ನಾಗಿಸುವ ಸುಂದರ ಕಲಾಕೃತಿಗಳ ಪ್ರದರ್ಶನ.
(ಹತ್ತು ಲಕ್ಷ ರೂಪಾಯಿಗಳು)
🏹 ಪೇಟೆ ಶ್ರೀ ರಾಮ ಮಂದಿರ ದೇವಾಲಯ ದಸರಾ ಸಮಿತಿ 🏹
ವರ್ಷವಾರು ಮಂಟಪ ವಿವರಗಳು ಹಾಗೂ ಕಲಾ ಸಾರಾಂಶಗಳ ದಾಖಲೆ (2025 - 2017)